ທ່ານ ປີ້ ເຈີ້ນຮວາ ຜູ້ອຳນວຍການ	ທ່ານ ວັນທອງ ສິດທິກຸນ ຮອງຜູ້ອຳນວຍການ

    ບໍລິສັດ ຊີມັງລາວ ຈຳກັດ, ມີສຳນັກງານໃຫຍ່ ຕັ້ງຢູ່ບ້ານໜອງບອນ, ເມືອງ ໄຊເສດຖາ, ນະຄອນຫຼວງວຽງຈັນ ແລະ ມີໂຮງງານຊີມັງ ຕັ້ງຢູ່ ບ້ານຂັນໜາກ, ເມືອງວັງວຽງ, ແຂວງວຽງຈັນ, ເສັ້ນທາງເລກທີ 13 ເໜືອ Km 145 ເມືອງວັງວຽງ, ແຂວງວຽງຈັນ.

ໂຮງງານຊີມັງວັງວຽງ ຫຼັງ II ນີ້ ມີກຳລັງການຜະລິດ ກະລິງເກີ (Clinker) 700 T/ມື້ ຫຼື ປະມານ 200,000 ໂຕນ/ປີ (ຕາມການອອກແບບ) ຊຶ່ງໄດ້ທຳການຜະລິດ ຈຳໜ່າຍຊີມັງ ເປັນ 02 ປະເພດຄື: ຊີມັງ Portland Type I ແລະ Mixed Cement ບັນຈຸເປັນ 02 ຊະນິດ. ເປົ໊າລະ 50 Kg ແລະ ບັນຈຸໃສ່ລົດຊີແຕັກ ເພື່ອສະໜອງໃຫ້ ໂຮງງານປະສົມຄອນກຼິດ ຢູ່ນະຄອນຫຼວງວຽງຈັນ ແລະຕ່າງແຂວງ.

• ຕະຫຼາດຈຳໜ່າຍຕົ້ນຕໍ: ນະຄອນຫຼວງວຽງຈັນ ( ສະໜອງໃຫ້ນະຄອນຫຼວງ ວຽງຈັນ ພຽງພໍກ່ອນ ຈາກນັ້ນຈຶ່ງສົ່ງໃຫ້ບ່ອນອື່ນຯ).

• ຕະຫຼາດຈຳໜ່າຍສຳຮອງ: ແຂວງວຽງຈັນ, ຫຼວງພະບາງ, ອຸດົມໄຊ, ຊຽງຂວາງ ແລະ ແຂວງບໍລິຄຳໄຊ. ນອກນີ້ ໂຮງງານຍັງໄດ້ສະໜອງຊີມັງໃຫ້ໂຄງການກໍ່ສ້າງເຂື່ອນໄຟຟ້ານ້ຳມັງ III ຢູ່ແຂວງວຽງຈັນ, ໂຄງການ ກໍ່ສ້າງຖະໜົນລ້ານຊ້າງ ແລະ ໂຄງການກໍ່ສ້າງໂຮງແຮມດອນຈັນພາເລດ ຢູ່ນະຄອນຫຼວງວຽງຈັນ, ໂຄງການຂອງ ບໍລິສັດພູເບັ້ຍມາຍນິ້ງ ທີ່ຂຸດຄົ້ນບໍ່ຄຳ ແລະ ທອງແດງ ຢູ່ເມືອງໄຊສົມບູນ ແຂວງວຽງຈັນ ແລະ ໂຄງການໃໝ່ ຈຳນວນໜື່ງ ຢູ່ນະຄອນຫຼວງວຽງຈັນ ຄື: ໂຄງການກໍ່ສ້າງສະໜາມກິລາຊີເກມ ແລະ ໂຄງການກໍ່ສ້າງຕຶກ ສຳນັກງານຂອງລັດຖະບານ ເປັນຕົ້ນ.

    ຊີມັງລາວກາກະທິງທອງ ມາຮອດເວລານີ້ສາມາດເຈາະຕະຫຼາດໄດ້ກວ້າງຂວາງຂື້ນພໍສົມຄວນ, ຜູ້ຊົມໃຊ້ທັງຄົນລາວ ແລະ ໂຄງການຕ່າງປະເທດກໍ່ຍອມຮັບທາງດ້ານຄຸນນະພາບ, ລາຄາ ແລະ ການບໍລິການ ຈຶ່ງເຮັດໃຫ້ບໍ່ມີຄວາມສ່ຽງ ຫຼາຍ ທາງດ້ານການຈຳໜ່າຍ ຫຼື ດ້ານການຕະຫຼາດ.