ແນະນຳໂດຍຫຍໍ້

 ບໍລິສັດຈີນຢຸນນານຮ່ວມມືດ້ານເສດຖະກິດ ເຕັກນິກສາກົນ( CYC )ແລະລັດວິສາຫະກິດ
 ພັດທະນາກະສິກຳ-ອຸດສາຫະກຳ ແລະບໍລິການຂາອອກ -ຂາເຂົ້າ (DAI ) ເປັນຜູ້ລົງທຶນ
ຮ່ວມກັນ ເພື່ອດຳເນີນກິດຈະການການຜະລິດ ແລະຈຳໜ່າຍຢູ່ພາຍໃນ ແລະສົ່ງອອກ.

  ໂຄງການກໍ່ສ້າງ ແລະຕິດຕັ້ງໂຮງງານຊີມັງ ວັງວຽງຫຼັງ2 ໄດ້ດຳເນີນໄປໂດຍຜ່ານວິທີ ການປະມູນ  ແບບສາກົນ  ຊຶ່ງໄດ້ເຮັດໃຫ້ ການກໍ່ສ້າງແລະຕິດຕັ້ງໂຮງງານສຳເລັດລົງ ກ່ອນເວລາທີ່ກຳນົດ.
   ນັບແຕ່ຕົ້ນ ປີ 2002 ເປັນຕົ້ນມາ ໂຮງງານ ຊີມັງວັງວຽງຫຼັງ2ໄດ້ເລີ່ມທຳການຜະລິດ  ແລະ ຈຳໜ່າຍຊີມັງອອກຮັບໃຊ້ສັງຄົມ ໃນປະລິມານ 200.000 - 250.000 ໂຕນ/ປີ (ໃນນີ້ລວມມີຊີມັງຝຸ່ນທີ່ບັນຈຸລົດຊີແຕ໊ກ ແລະ ຊີມັງບັນຈຸເປົ໊າ ເປົ໊າລະ 50 kg)ຕາມມາດ ຕະຖານຄຸນນະພາບຊີມັງອາເມລິກາ ASTM  C-150 type I ແລະມາດຕະຖານຊີມັງຂອງ ຈີນ GB 175-1999 ( ISO 679 ) ທັງມີການບໍລິຫານ - ຈັດການຕາມມາດຕະຖານສາກົນ ISO 9001:2008.
  ຕະຫຼອດໄລຍະຜ່ານມາເຫັນວ່າ ຜະລິດຕະພັນຊີມັງກາກະທິງທອງໄດ້ຮັບຄວາມນິຍົມ
ແລະ ຍອມຮັບຈາກລູກຄ້າກໍ່ຄືຜູ້ຊົມໃຊ້ເປັນຢ່າງດີ.  ຊີມັງລາວກາກະທິງທອງມີຈຳໜ່າຍ
ຢູ່ນະຄອນຫລວງວຽງຈັນ ແລະ ແຂວງອ້ອມຂ້າງຈຳນວນໜຶ່ງ.
   ໂຮງງານຊີມັງ ວັງວຽງ ຫລັງ2 ໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາ ເສດຖະກິດ - ສັງຄົມແຫ່ງຊາດ, ຊ່ວຍປະຢັດເງິນຕາຈາກການນຳເຂົ້າຊີມັງ ຈາກຕ່າງ
ປະເທດໄດ້ປະມານ 13 ລ້ານໂດລາສະຫະລັດ/ປີ.

ຂ່າວສານ